झुरू झुरू पछुवा कड़ेर पुरवइया में,
बाड़ा नीक लागेला टुटलकी मड़इया में।
गोल गाल गुलवरी के लगे कोलूहाड़ी
छवरी के ओर पार लउके उखियाड़ी,
होखेला लुकवली सरीसइया में केरइया में।
बाड़ा नीक लागेला टुटलकी मड़इया में॥
लइका ना चिन्हेले दिन दुपहरिया,
भोरही में कुछुकेली कारी कोइलरिया,
होखेली छुववलि तलवा में तलइया में।
बाड़ा नीक लागेला टुटलकी मड़इया में॥
डूबते सूरज मये काम जब ओराला,
लोग बिटुराला त ढोलकी ठोकाला
जुटेले ‘अनारी’ लोग गीत गवनइया में।
बाड़ा नीक लागेला टुटलकी मड़इया में॥
-------------------------------
बृजमोहन प्रसाद 'अनाड़ी'
ग्राम- कुम्हियां, पोस्ट-भरखरा,
जिला-बलिया उत्तर प्रदेश, पिन कोड-277304
मो0 नं0- 09450953545
मो0 नं0- 09450953545
कोई टिप्पणी नहीं:
एक टिप्पणी भेजें