गाँवे में रावन त गाँवे में राम बाटे
दूनों में जुद्ध सुबह आ शाम बाटे।
गाँवे में कैकयी माई बाड़ी अबो
भरत बाड़े आ भरत के नाम बाटे।
भरत के कुटिया आ आस्था बा
कुश के चटाई करेके आराम बाटे।
उर्मीला बाड़ी उनुकर त्याग बा
लछुमन के भावना निष्काम बाटे।
राम के संगे सीता बाड़ी, तिरिया
नारी के उतम में उतम नाम बाटे।
शील से शीलता गुन से गुनता बा
अशिष्टता के हार काम तमाम बाटे।
---------------------------
लेखक परिचयः
C/o डॉ नंद किशोर तिवारी
निराला साहित्य मंदिर बिजली शहीद
सासाराम जिला रोहतास ( सासाराम )
बिहार - 221115
मो 0 न 0 7488674912
कोई टिप्पणी नहीं:
एक टिप्पणी भेजें