सुगइया रंग सारी,
नदी रूपली किनारी,
भुईं गरबिला मुँह
आब छितरा रहल।
गाभा भर धान पौध,
पात-पात चकाचौंध,
मोतियन लड़ी पेन्ह
खूब इतरा रहल।
दोरसा उचाट दिन,
रतिया बदर बिन,
मनवा के कोने कहीं
ईरिखा जगा रहल।
ए री सखी का से कहीं,
कतिना ले पीर सहीं,
कतिकी ई रितु कौनो
रिकिथी पुँगा रहल।
-----------------
लेखक परिचय:-
नाम - दिनेश पाण्डेय
जन्म तिथि - १५.१०.१९६२
शिक्षा - स्नातकोत्तर
संप्रति - बिहार सचिवालय सेवा
पता - आ. सं. १००/४००, रोड नं. २, राजवंशीनगर, पटना, ८०००२३
कोई टिप्पणी नहीं:
एक टिप्पणी भेजें