फगुनवा में - जयशंकर प्रसाद द्विवेदी

बियहल तिरिया के मातल नयनवा,
पियवा करवलस ना गंवनवा ,फगुनवा में॥

सगली सहेलिया कुल्हि भुलनी नइहरा।
हमही बिहउती सम्हारत बानी अँचरा।
नीक लागे न भवनवा , फगुनवा में॥ पियवा .....

पियराइल सरसों मटरियो गदराइल।
फुलल पलास बा महुअवों अदराइल।
बदले लागल नजर जमनवा , फगुनवा में॥ पियवा ....

नाही सहाला अब भउजी क चिकोरी।
रही रह रिगावे हमरा धई बरजोरी।
बीख लागल सगरी कहनवा, फगुनवा में॥ पियवा ......
-----------------------------------

लेखक परिचय:-
नाम: जयशंकर प्रसाद द्विवेदी
संपादक: (भोजपुरी साहित्य सरिता)
इंजीनियरिंग स्नातक;
व्यवसाय: कम्पुटर सर्विस सेवा
सी -39 , सेक्टर – 3;
चिरंजीव विहार , गाजियाबाद (उ. प्र.)
फोन : 9999614657
ईमेल: dwivedijp@outlook.com
फ़ेसबुक: https://www.facebook.com/jp.dwivedi.5
ब्लॉग: http://dwivedijaishankar.blogspot.in