बुद्धि के बढ़ती - धरीक्षण मिश्र

दोसरा के घर जरा के हाथ के सेंकले न बा ।
के आन का शुभ कीर्ति पर कीचड़ कबें फेंकले न बा॥

कहें हीरा चन्द ओझा चन्द कवि पृथिराज का -
दरबार में रहले कहीं इतिहास में लिखले न बा।

सन और सम्बत झूठ बा घटना सजी बेमेल बा
साँच कवनों बात रासों में कहीं बटले न बा।

का साँच बा का झूठ बा ई के इहाँ निर्णय करो
जब कि ओ पृथिराज के दरबार केहु देखले न बा।

एक बात जरूर बा हम कहबि ढोल बजाइ के
आजु ले ओझा कहीं केहु साँच कुछ भखले न बा।

आचार्य केशव दास पर बड़थ्वाल जी बानीं भिड़ल
मानों इहाँ खातिर कहीं मजमून कुछ अँटले न बा।

शुक्ल जी लिखनीं कि केशव का रहे ना कवि हृदय
जे जौन चाहो कहो तवने मुँह केहू छेंकले न बा।
------------------------------------------
धरीक्षण मिश्र धरीक्षण मिश्र






कोई टिप्पणी नहीं:

टिप्पणी पोस्ट करें

मैना: भोजपुरी साहित्य क उड़ान (Maina Bhojpuri Magazine) Designed by Templateism.com Copyright © 2014

मैना: भोजपुरी लोकसाहित्य Copyright © 2014. Bim के थीम चित्र. Blogger द्वारा संचालित.