अब ना सहात बा, कोइलिया के बोलिया
बोले बसवरिया पर भोर के पहरिया तऽ लागे जइसे गोलिया।
अब ना सहात बा……….॥
सेजिया पर लोटेली काली रे नगीनिया,
रोजा करनिनिए में उचटेली निनिया,
मारेली ताना, मनमाना, जनाना, आ करेली ठिठोलिया।
अब ना सहात बा……….॥
सनन-सनन सन बहे पुरवइया,
दाहा अइसन देह डोले जइसे डोले नइया,
अखेड़ेला बाड़ा जब खाड़ा होके देखी कवनो गवने के कनिया।
अब ना सहात बा……….॥
जुल्मी जवानी के जोम ना अड़ाता,
जीही की मरि जाई कुछु ना बुझाता,
तुत ‘अनारी’ बेमारी बढ़वल बीतल फागुनो के होलिया।
अब ना सहात बा……….॥
-------------------------------
बृजमोहन प्रसाद 'अनाड़ी'
ग्राम- कुम्हियां, पोस्ट-भरखरा,
जिला-बलिया उत्तर प्रदेश, पिन कोड-277304
मो0 नं0- 09450953545
कोई टिप्पणी नहीं:
एक टिप्पणी भेजें