अरे रामा झर झर बरसेला पनिया
भिजेली मोर धनिया ए रामा।
घनघोर घटा नभ छावे बदरिया
चम चम चम चम चमके बिजुरिया
आरे रामा नाचेला मोरवा मोरिनिया
भिजेली मोर धनिया ए रामा।
मिलि जुली सखिया झलुहा झुलावे
बाल गोपाल धेनु गइया चरावे
अरे रामा कान्हा बजावे मुरलिया
भिजेलीं मोर धनिया ए रामा।
पनघट पर राधा भरली गगरिया
कठिन भइल तब चलल डगरिया
अरे रामा राधा करेली अठखेलियाँ
भीजेली मोर धनिया ए रामा।
अरे रामा झर झर बरसेला पनिया
भिजेलीं मोर धनिया ए रामा।
------------------------
कोई टिप्पणी नहीं:
एक टिप्पणी भेजें