घुंघटा - डॉ. हरेश्वर राय

तनिका घुंघटा हटा दीं गज़ल लिख दीं

रउरा मुखड़ा के नाँव नीलकमल लिख दीं।

मुस्कुरा दीं तनिक अध खिलल कली अस

त एह अदा के नाँव ताजमहल लिख दीं।

अध खुलल आँख से तिरछे ताकीं तनिक

ताकि अमरित के गागर भरल लिख दीं।

ठाढ़ पल भर रहीं भर नजर त देख लीं

ए जहाँ के सबसे सुन्दर नसल लिख दीं।

मौन के अपना अतना बना दीं मुखर 

प्यार के इयार मूरत असल लिख दीं।

-------------------------

लेखक परिचय:-

नाम:- डॉ. हरेश्वर राय

प्रोफेसर (इंग्लिश) शासकीय पी.जी. महाविद्यालय सतना, मध्यप्रदेश

बी-37, सिटी होम्स कालोनी, जवाहरनगर सतना, म.प्र.,

मो नं: 9425887079

royhareshwarroy@gmail.com