कवने रंगवा ना

कवन रंगे मूंगवा, कवन रंगे मोतिया, कवने रंगवा ना,
ननदी रे तोर भइयवा, कवने रंगवा ना।।१।।

लाले रंग मूंगवा, सबुज रंग मोतिया, सावरे रंगवा ना,
ननदी रे तोर भइयवा, सावर रंगवा ना।।२।।

टूटी गइले मूंगवा, खरकी गइले मोतिया, रूसी गइले ना,
ननदी रे तोर भइयवा, रूसी गइले ना।।३।।

गूंथी लेबों मूंगवा, गूंथाई लेबों मोतिया, मनाई लेबों ना,
ननदी रे तोर भइयवा मनाई लेबों ना।।४।।
---------------------------------------------
लोकगीत

कोई टिप्पणी नहीं:

टिप्पणी पोस्ट करें

मैना: भोजपुरी साहित्य क उड़ान (Maina Bhojpuri Magazine) Designed by Templateism.com Copyright © 2014

मैना: भोजपुरी लोकसाहित्य Copyright © 2014. Bim के थीम चित्र. Blogger द्वारा संचालित.