देश बनवले आन्हर-कोढ़ी - डॉ प्रमोद कुमार पुरी

धर्म-आडम्बर के चादर ओढ़ी
देश बनवले आन्हर-कोढ़ी!

बखत पर नून रोटी ना जुरत बा,
केहू घीव ढार-ढार पिअत बा!

घर के भीतरी आग लागल बा,
देख पड़ोसी भाग चलल बा!

कइसे केहू से आस लगइबअ,
भाई -भाई में लउर चलल बा!

भइल सगरो इहा खींचातानी,
का मरदाना का होखस जनानी!

कहे मनमौजी कव दिन के जिनगी,
हँस- बोल के काटअ ना त सुनगी!!
---------------------------------------------

लेखक परिचय:-
नाम: डॉ प्रमोद कुमार पुरी
पता: स्नेहा हेल्थ एंड एजुकेशनल ट्रस्ट, म0 नं0 67 बी 1
डॉ आंबेडकर कॉलोनी, बिजवासन , नई दिल्ली-110061
जनम थान: गाँव - नसीरा मठिया , पोस्ट - कोहड़ा बाज़ार
थाना - दाऊदपुर, छपरा - 841205
जनम दिन : 28 जनवरी 1981
कार्य: चेयरमैन (स्नेहा हेल्थ एंड एजुकेशनल ट्रस्ट ) नई दिल्ली,
चिकत्सक (ममता क्लीनिक)
दूरभाष :- 93137 43740