दक्खिन से आइल ई हउवा कॅुवरकी
गत्तर-गत्तर गुदरा जाले;
लहर उढे झीलवा में जइसे
नयकी धियवा अगरा जाले।
कुंजन के लिलरा पर शबनम के बिंदिया
देखि-देखि कोइलरि चिहाइ;
उगल किरिनिया पहाड़ी पर पहुँचल,
सोना के आँचर फहराइ।
कइसे वताईं कतना उठल बा,
रूप के समुन्दर हिलोर?
डतरल बा सीखे सरग ई एहिजा,
कि आइल पहाड़िन पर भोर?
----------------------------
लेखक परिचय:-
नाम: डा. बच्चन पाठक 'सलिल'
जनम: 17 सितंबर 1937
मरन: 10-04-2016
जनम थान: रहथुआ, भोजपुर, बिहार
रचना: मन के गीत सुनाईल, सेमर के फूल
कोई टिप्पणी नहीं:
एक टिप्पणी भेजें