फागुन आइल
बयार फगुनहटा के ले के
कि दिहलस अइगा
चइती के डेगे-डेगे।
एह बीच रंग उड़ी
उड़ी अबीर
अउरी धरती सजी
सोनहुला हँसुली ले के
जेवन हँसुली झरी
अँजूरी-अँजूरी
आङन-आङन
हर चउरा
कि देंहि
फेर रोपनी कऽ सके।
एह बीच सम्मत जरी
अ उरी फूँकाई बहुत कुछ
कि जरी होलिका
सवाल प्रह्लाद के ले के
बाकिर जे ना जरल
जे-जे देखल
ओकर लहुरा
हाथ तापे डेगे-डेगे।
---------------------------
लेखक परिचय:-
नाम: राजीव उपाध्याय
पता: बाराबाँध, बलिया, उत्तर प्रदेश
लेखन: साहित्य (कविता व कहानी) एवं अर्थशास्त्र
संपर्कसूत्र: rajeevupadhyay@live.in
दूरभाष संख्या: 7503628659
ब्लाग: http://www.swayamshunya.in/
अंक - 72 (22 मार्च 2016)
कोई टिप्पणी नहीं:
एक टिप्पणी भेजें