एगो ठगिन - अभिषेक यादव

(१) 
जिऩगी के राग जब झर जाइ नेह से
जाउत आ पिया जी जुड़ाय जाले देह से
ओही दिने लेहड़ गाँव के, घाट पऽ ठेकाय दी
बुझिह सुगनवा तोहै, माया से लोकाय दी
(२) 
जहँवा के अंश रहला तहवें के भागी,
भले से अकाज होई सभे आई लांगी,
लोभ-पाप धरम-करम बूड़े उतराए दी
मोह क अहरा धई माया के जराय दी
(३)
माया के न टोना-मोना ओरहन भ गारी
राई-छाइ कुछू ना रुखानी बा दुआरी
लाँगा से न भेंट घाट ना केहू छिछोरा बा
तन-धन करिया नईखे सभे मन क गोरा बा
(४)
भोर भोरहरिया जै! जै! साँझ गदबेरिया जै! जै!
सोम रस पान ढ़रके देवलोक में जै! जै! जै! जै!
माया में मय रहि, इहाँ त जय होई
करम कमाई केतना इहंवे त तय होई
-----------------------------------------------------
- अभिषेक यादव












अंक - 58 (15 दिसम्बर 2015)

कोई टिप्पणी नहीं:

एक टिप्पणी भेजें

मैना: भोजपुरी साहित्य क उड़ान (Maina Bhojpuri Magazine) Designed by Templateism.com Copyright © 2014

मैना: भोजपुरी लोकसाहित्य Copyright © 2014. Bim के थीम चित्र. Blogger द्वारा संचालित.