उमीद के नाम ह भोर
कामयाबी के दिन के शोर ह भोर
संकल्प के शुरुवात ह भोर
आशा के किरण ह भोर
ई मन में नाया उमंग जगावेला
विराट रूप आपन देखावेला
भुत के भूल वर्तमान बेहतर बनावेला
नित्य नूतन ई लेआवेला
ई गरीब घनिक दुनू के आपन ह
सब केहु खातिर जीवन जापन ह
पेट भरे के तइयारी के ई रासन ह
कबो कबो इहे नु निराशा के समापन ह
ई उमर के ढलान ह ,जवानी ह
ई शख्श के आपन आपन कहानी ह
ई आज ह आवे वाला कल ह
इहे बीज ह इहे फसल ह
भोर सब केहु के भावेला
सबका में नूतन भाव ई जगावेला
दर्द के कम करत हर्ष ई लेआवेला
ई रोज गीत नाय एगो सुनावेला
---------------------
लेखक परिचय:-
नाम- जलज कुमार अनुपम
दिल्ली
ई-मेल:- merichaupal@gmail.com
कोई टिप्पणी नहीं:
एक टिप्पणी भेजें