कि सिकड़ी बस केवाड़ चढ़लऽ बा - राजीव उपाध्याय

सड़क चले ले, जब-जब गँऊवाँ के ओर
तब-तब गाँव के भितर शहर घूसेला।

जेसे हावा, पानी औरी अदिमी
सबके सब अँहियाला, बहकेला॥

आपन नाँव-गांव अउरी पहिचान सगरी
बान्ह के ले घूमेला गठरी-गठरी
जेवन कबो-कबो खूलेला॥

महतारी तब
निकलि के बहरि पूछेलीं -
“का बाबू का हाल बा
देखऽ फइललऽ केतने तवाल बा।
छोड़ऽ खोलऽ आपन गठरी
धऽ लऽ गाँव के डहरी।”

कि अचके से नीन खूलेला
दीद चारू ओर बहेला, पावेला
कि घर उहे बा
गाँव उहे बा
कि सिकड़ी बस केवाड़ चढ़लऽ बा
कि भीतर एगो मनई सुतल बा॥
----------------------

लेखक परिचय:-



पता: बाराबाँध, बलिया, उत्तर प्रदेश
लेखन: साहित्य (कविता व कहानी) एवं अर्थशास्त्र
संपर्कसूत्र: rajeevupadhyay@live.in
दूरभाष संख्या: 7503628659
ब्लाग: http://www.swayamshunya.in/



अंक - 49 (13 अक्टूबर 2015)

कोई टिप्पणी नहीं:

एक टिप्पणी भेजें

मैना: भोजपुरी साहित्य क उड़ान (Maina Bhojpuri Magazine) Designed by Templateism.com Copyright © 2014

मैना: भोजपुरी लोकसाहित्य Copyright © 2014. Bim के थीम चित्र. Blogger द्वारा संचालित.