देखत मौत के अब लजाइल का बानी
जो जाहीं के बा, त तवाइल का बानी।
करे के रहे जे, ऊ सब हो गइल बा
किनाने चहुँप के छछाइल का बानी।
बहुत दूर उड़लीं अकासे-पताले
करीं थिर मन के हहाइल का बानी।
बहुत दिन पटवलीं लगावल बगइचा
तजीं मोह-माया, सुखाइल का बानी।
जे बा मोटरी माथ पर ओके फेंकीं
करीं मन हलुक अब दबाइल का बानी।
हँकारत बा मउअत खड़ा हो दुआरे
दुबुक घर का भीतर लुकाइल का बानी।
------------------------------
नागेन्द्र प्रसाद सिंह जो जाहीं के बा, त तवाइल का बानी।
करे के रहे जे, ऊ सब हो गइल बा
किनाने चहुँप के छछाइल का बानी।
बहुत दूर उड़लीं अकासे-पताले
करीं थिर मन के हहाइल का बानी।
बहुत दिन पटवलीं लगावल बगइचा
तजीं मोह-माया, सुखाइल का बानी।
जे बा मोटरी माथ पर ओके फेंकीं
करीं मन हलुक अब दबाइल का बानी।
हँकारत बा मउअत खड़ा हो दुआरे
दुबुक घर का भीतर लुकाइल का बानी।
------------------------------
बहुत सुंदर
जवाब देंहटाएं