जनमत - राम जियावन दास 'बावला'

अदिमिन के संख्या त गिन के बताय देला

जादू से जान जाला जनमत जेतना हौ

कागद के कोठी रुपया बतावैला

धरती बतावैला बिगहा में एतना हौ

पैसा बताइब त बाएँ के खेल बाय

खर्चा में वेतन के बाद कुछ वेतना हौ

हमके बतावा कि चिरइन के जान बदे

भारत के पासे बन्दूक कुल केतना हौ

------------------------

लेखक परिचय:-

नाम: राम जियावन दास 'बावला'

जनम: 1 जून 1922, भीखमपुर, चकिया

चँदौली, उत्तर प्रदेश

मरन: 1 मई 2012

रचना: गीतलोक, भोजपुरी रामायण (अप्रकासित)

अंक - 51 (27 अक्टूबर 2015)