मंथन - गुलरेज शहजाद

गोंगियात बहत पानी में
चक्कर खात भंवर के
देख रहल बानी हम बइठल
एकटक नजरी के आपन
भंवरी पर हम सटले बानीं
मन भइल बा घूमत पानी
कतना बीतल काल
मथाइल जाता भीतर
कतना विष के गगरी छलछल
करत बीया
कतना गगरी तs अजवारल
धइल बाटे
बीतल काल के एह मंथन में
पहिले के सब मंथन खानी
खलिहा विष उतराता सगरो
कतना कुछ तs हमरो भीतर
चक्कर खा के नाच रहल बा
मौन के भाखा में बेचैनी
आउर बाउर बांच रहल 

कोई टिप्पणी नहीं:

एक टिप्पणी भेजें

मैना: भोजपुरी साहित्य क उड़ान (Maina Bhojpuri Magazine) Designed by Templateism.com Copyright © 2014

मैना: भोजपुरी लोकसाहित्य Copyright © 2014. Bim के थीम चित्र. Blogger द्वारा संचालित.