संपादकीय

नमन बाटै - राम जियावन दास 'बावला'

गाँव घर खेत खरिहान के नमन बाटै 

नमन सिवान के नमन घूर धार के

ताल खाल नदी नार पोखरा इनार कुल
नमन करीला बाबा डीह-डिहुवार के। 

नाद कोना चरनी दुवार के दलान के भी
नमन कहार के नमन चौकीदार के।

पंच सरपंच परधान के नमन बाटै
नमन बा टी0 बी0 नमन चित्रहार के।

ब्लाक के नमन ताक झाँक के नमन बाटै
नमन विकास वाले रोजी रोजगार के।

सींचपाल, लेखपाल आदि के नमन बाटै
नमन बा बिजुरी के बिल सरकार के।

फीस के नमन न्यायधीष के नमन बाटै 
नमन बा डोलीवाले पिछिला कहार के।

थाने के नमन जेल खाने के नमन बाटै 
नमन दिवान के नमन थानेदार के।

-------------------

लेखक परिचय:-

नाम: राम जियावन दास 'बावला'
जनम: 1 जून 1922, भीखमपुर, चकिया, चँदौली, उत्तर प्रदेश
मरन: 1 मई 2012
रचना: गीतलोक, भोजपुरी रामायण (अप्रकासित)



अंक - 46 (22 सितम्बर 2015)

कोई टिप्पणी नहीं:

एक टिप्पणी भेजें

मैना: भोजपुरी साहित्य क उड़ान (Maina Bhojpuri Magazine) Designed by Templateism.com Copyright © 2014

मैना: भोजपुरी लोकसाहित्य Copyright © 2014. Bim के थीम चित्र. Blogger द्वारा संचालित.