विविध

हम कहत बाटी - तेग अली-तेग

केहु से बाट रजा तु सटल सुनत बाटी
ई काम करत नाही निक हम कहत बाटी॥
सहर मे बाग मे उसर मे बन मे धरती प
तूँ देखले हौअ बंडर मतिन फिरत बाटी॥
ना कवनो काम करीला ना नौकरी बा कहूँ
बईठ क धुर क रसरी रजा बटत बाटी॥
कहे लै फुल के गजरा त सभ केहु हमके
पै तोहरे आंखी मे कांचा मतिन गडत बांटी॥
नाही मुये मे लगवलs रजी तूँ कुछ धोखा
पै आंखि मुन के देखीला तब जिअत बाटी॥
ना घर तु आव लs हमरे ना त बोलाव लs
ए राजा रामधै तोहसे बहुत छकत बाटी॥
------------------तेग अली-तेग
अंक - 47 (29 सितम्बर 2015)

कोई टिप्पणी नहीं:

एक टिप्पणी भेजें

मैना: भोजपुरी साहित्य क उड़ान (Maina Bhojpuri Magazine) Designed by Templateism.com Copyright © 2014

मैना: भोजपुरी लोकसाहित्य Copyright © 2014. Bim के थीम चित्र. Blogger द्वारा संचालित.